شاہ سلمان کے اعزاز میں کویتی فن کاروں کا فن کا مظاہرہ

کویت،١٠ڈسمبر(ایجنسی) سعودی عرب کے فرمانروا شاہ سلمان بن عبدالعزیز کے اعزاز میں کویت میں شیخ جابر الاحمد ثقافتی مرکز (کویتی اوپیرا ہاؤس) میں ایک رنگا رنگ تقریب منعقد کی گئی ہے اور اس میں کویتی فن کاروں نے اپنے فن کا شاندار مظاہرہ کیا ہے۔

شاہ سلمان کے اعزاز میں یہ تقریب جمعہ کی شب منعقد کی گئی تھی۔اس میں ان کے ساتھ میزبان امیر کویت شیخ صباح الاحمد الجابر



الصباح بھی موجود تھے۔سعودی فرمانروا چار خلیجی ملکوں کے دورے کے آخری مرحلے میں جمعرات کو کویت پہنچے تھے۔

اس سے پہلے انھوں نے متحدہ عرب امارات اور قطر کا دورہ کیا تھا اور بحرین کے دارالحکومت منامہ میں خلیج تعاون کونسل ( جی سی سی) کے سینتیسویں سالانہ سربراہ اجلاس میں شرکت کی تھی۔اس دو روزہ اجلاس میں خلیجی لیڈروں کے علاوہ برطانوی وزیر اعظم تھریسا مے نے بھی خصوصی طور پر شرکت کی تھی۔